Vandag, 8 Mei 2025, vier ons dat Afrikaans 100 jaar gelede ‘n amptelike taal geword het. Meer as 7 miljoen mense praat Afrikaans as hul eerste taal, veral in Suid-Afrika en Namibië, en dis die derde grootste huistaal in Suid-Afrika. Dit word deur baie mense gepraat, insluitend die meeste van die bruin gemeenskap, ‘n groot deel van die wit gemeenskap, en baie ander Suid-Afrikaners leer dit ook. By die Lady Grey Kunste-Akademie het die personeel, soos die wenspan op die foto, pret gehad deur Afrikaanse idiome van prentjies af te raai om die taal te vier. Hierdie verjaarsdag wys hoe lank Afrikaans al bestaan en hoe dit steeds mense bymekaarbring.
